الاسکا: امریکی ریاست الاسکا میں مختلف فنکاروں نے پرندوں کی آوازیں نکال کر سامعین کے دل موہ لئے ۔
مختلف پرندوں کی آوازیں نکالنے کایہ انوکھا اوردلچسپ مقابلہ ہرسال کی طرح رواں سال بھی امریکہ کی یخ بستہ ریاست میں منعقد کیاگیاجس میں مختلف فنکاروں نے سمندری پرندوں کی آوازیں نکال کرکے سامعین کو حیران کردیا۔
یہ مقابلہ الاسکا کے علاقے ہومر میں منعقد ہوا جسے ’سالانہ کیچ میک بے شوربرڈ فیسٹول‘ کہا جاتا ہے۔ اس میں ہر عمر اور جنس کے فنکار شریک ہوتے ہیں اور اپنے پسندیدہ پرندے کی آزادانہ ، چہچہاہٹ اور سیٹیاں خارج کرتے ہیں۔ بعض شرکا پرندوں کے لباس میں بھی شریک ہوتے ہیں۔
اس مقابلے میں پینی گیگ نامی شخص نے سمندری چیل کی آواز نکال پر پہلا انعام حاصل کیا۔ انہوں نے بتایا کہ وہ سمندری پرندوں سے بہت محبت کرتے ہیں۔ گزشتہ موسمِ گرما سے انہوں نے پرندے کی پکار کی مشق شروع کی جس میں انہیں کامیابی ملی۔
مقابلے میں 17 سالہ مرینا اسٹیفی نے سمندری بگلے کی آواز نکالی تو سب حیران رہ گئے۔ اسی طرح شرکا نے اپنے اپنے انداز سے طیرانِ آب کی نقل پیش کی۔
