جنوبی کوریا میں نئے سال کاسوگوار آغاز

سیول:جنوبی کوریا میں طیارے کے حادثے کے بعد نئے سال کی تقریبات کا انعقاد نہیں کیا گیا۔
بین الاقوامی میڈیا رپورٹ کے مطابق جنوبی کوریا میں نئے سال کی تقریبات کو موان بین الاقوامی ہوائی اڈے پر اتوار کو ہونے والے طیارے کے حادثے کے بعد منسوخ کردیاگیا ہے۔
یاد رہے کہ 29 دسمبر کو جیجو ایئر کے بوئنگ 737 طیارے کو پیش آنے والے حادثے میں 179 افراد کی ہلاکت کے بعد ملک سات روزہ سوگ میں داخل ہوا۔
سیول میٹروپولیٹن حکومت نے اعلان کیا ہے کہ نئے سال کے آغاز پر طیارہ حادثے میں مرنے والے افراد کی یاد میں ایک منٹ خاموشی اختیار کی جائے گی۔