ملک بھر میں مون سون بارشوں کا نیا سلسلہ شروع ، شدید بارشوں کی پیشگوئی

اسلام آباد : ملک بھر میں مون سون بارشوں کا نیا سلسلہ شروع ہونے جا رہا ہے۔ محکمہ موسمیات کے مطابق مون سون ہوائیں بالائی علاقوں میں داخل ہوں گی، جس کے بعد پنجاب: اسلام آباد، راولپنڈی، مری، لاہور، خیبرپختونخوا، سیالکوٹ،کشمیر اور گلگت بلتستان میں تیز ہواؤں کے ساتھ شدید بارش کا امکان ہے۔
محکمہ موسمیات نے خبردار کیا ہے کہ چند مقامات پر شدید بارش سے نشیبی علاقوں میں پانی جمع ہونے اور نکاسی آب میں مشکلات پیدا ہو سکتی ہیں۔
متعلقہ اداروں کو ممکنہ فلڈ رسک سے نمٹنے کے لیے الرٹ کر دیا گیا ہے جبکہ شہریوں کو بھی ہدایت کی گئی ہے کہ وہ احتیاطی تدابیر اختیار کریں خاص طور پر نشیبی علاقوں میں رہنے والے افراد بارشوں کے دوران محتاط رہیں۔