غزہ:فلسطینی عوام کے لیے انسانی امداد لے جانے والے بحری جہاز حنظلہ کو اسرائیل نے غزہ میں داخلے سے روک دیا ہے ۔
بین الاقوامی تنظیم فریڈم فلوٹیلا کولیشن نے تصدیق کی ہے کہ اسرائیلی بحریہ کی جانب سے امدادی جہاز کو گھیرے میں لے لیا گیا اور اردگرد متعدد ڈرونز بھی دیکھے گئے۔
اسرائیلی فورسز نے بحری جہاز کے عملے کے 21 ارکان کو بھی حراست میں لے لیا ہے ۔ تنظیم کے بیان میں عالمی برادری، انسانی حقوق کی تنظیموں اور میڈیا سے اپیل کی گئی ہے کہ اسرائیل پر دباؤ ڈالیں تاکہ امدادی جہاز اور اس پر سوار افراد کو محفوظ راستہ فراہم کیا جا سکے۔
