کراچی:پاکستان پیپلز پارٹی کے سینئر رہنما و وفاقی وزیر قدرتی و آبی وسائل خورشید کا کہنا ہے کہ نگراں وزیراعظم کا عہدہ کسی سیاستدان کو ہی ملنا چاہیے۔
انہوں نے کہا ہے کہ میں پیپلز پارٹی کے موقف پر بات نہیں کروں گاوہ فیصلہ پیپلز پارٹی اور ن لیگ سمیت دیگر جماعتیں مل بیٹھ کرہی طے کریں گی،میرے خیال میں چونکہ نگران وزیراعظم ایک سیاسی عہدہ ہے، اس لیے اس پر کسی سیاستدان کو ہی ہونا چاہیےتاکہ وہ سیاسی فیصلہ کرسکے۔
خورشید شاہ نے کہا کہ اسحاق ڈار کے نگراں وزیراعظم کے حوالے سے کہا کہ میرا بھی یہی خیال ہے کہ سیاسی آدمی ہو، سیاستدان ہو اوراس کیساتھ اکانومسٹ بھی ہو تو یہ بہتر ہو گا ۔
انہوں نے کہا ہے کہ مگر یہ ابھی طے نہیں ہوا لیکن جو بھی فیصلہ ہو گا وہ مل بیٹھ کرہی ہو گا۔
