لندن:انگلینڈ میں 34 سال بعد جاپانی سومو ریسلنگ کا شاندار مظاہرہ کیا گیا۔
رائل البرٹ ہال میں جاپانی سومو پہلوانوں نے پانچ روزہ نمائش ٹورنامنٹ میں اپنے مخصوص تھپڑ، دھکوں اور پلٹنے والے داؤ پیچ سے شائقین کو محظوظ کیا۔یہ برطانیہ میں 34 سال بعد ہونے والا پہلا سومو ایونٹ ہے، جس کا مقصد جاپان اور برطانیہ کے تعلقات کو فروغ دینا ہے۔شائقین نے 114 کلوگرام وزنی مِدورِیفوجی کو خود سے 64 کلو بھاری قازق حریف کِنبوزان سے زور آزمائی کرتے دیکھا۔
یوکرینی پہلوان آونیشیکی نے سب سے ماہرانہ چال کے ذریعے اپنے بھاری حریف کو چکرا کر زمین پر پٹخا۔شام کا اختتام دونوں گرینڈ چیمپیئنز ہوشوریو اور آنوساتو کی شاندار فتوحات پر ہوا، جبکہ شائقین کے جوش و خروش نے ایونٹ کو یادگار بنا یا۔
