عباس آفریدی کی نماز جنازہ کوہاٹ میں ادا کر دی گئی

کوہاٹ:پاکستان مسلم لیگ (ن) کے رہنما، سابق وفاقی وزیر اور سینیٹر عباس آفریدی کی نماز جنازہ کوہاٹ میں ادا کر دی گئی۔
نماز جنازہ میں مختلف مکتبہ فکر سے تعلق رکھنے والے افراد نے بڑی تعداد میں شرکت کی۔
عباس آفریدی گزشتہ شام اپنے حجرے میں گیس لیکج کے دھماکے میں تین ساتھیوں سمیت جھلس گئے تھے۔عباس آفریدی کو زخمی حالت میں سی ایم ایچ کوہاٹ اور بعد ازاں برن سنٹر سی ایم ایچ کھاریاں منتقل کیا گیا تھا دیگر تین افراد پشاور اور کھارہاں میں زیر علاج ہیں۔
عباس آفریدی سابق سینیٹر شمیم آفریدی کے فرزند جبکہ سابق ایم پی اے امجد آفریدی کے بھائی تھے۔