صدر مملکت کا بلوچستان میں فتنہ الہندوستان کے 2 دہشت گرد جہنم واصل کرنے پر سیکیورٹی فورسز کو خراج تحسین

اسلام آباد:صدر مملکت آصف علی زرداری نے ضلع کچّھی، بلوچستان میں کارروائی کے دوران فتنہ الہندوستان کے 2 دہشت گرد جہنم واصل کرنے پر سیکیورٹی فورسز کو خراج تحسین پیش کیاہے ۔
اپنے ایک بیان میں صدر مملکت نے انٹیلیجنس پر مبنی کاروائی میں بھارتی پراکسی کے 2 دہشت گردوں کا قلع قمع کرنے پر سکیورٹی فورسز کی بہادری کو سراہا۔
صدرآصف زرداری نے کہا کہ دہشت گردوں کے مکمل خاتمے تک سیکیورٹی فورسز کی کاروائیاں جاری رہیں گی، پاکستان کی سیکیورٹی فورسز فتنہ الہندوستان کے خاتمے کے لیے کاروائیاں کر رہی ہیں، دہشت گرد عناصر کے خاتمے، ملکی دفاع کیلئے ہمارا عزم غیر متزلزل رہے گا۔
صدر مملکت نے دہشتگردی کے مکمل خاتمے کے قومی عزم کا اظہار کیا۔