پشاور: پراونشل ڈیزاسٹر مینجمنٹ اتھارٹی (پی ڈی ایم اے) خیبرپختونخوا نے 27 مئی کو بارش، آندھی، ژالہ باری اور آسمانی بجلی گرنے سے ہونے والے جانی و مالی نقصانات کی ابتدائی رپورٹ جاری کر دی ہے۔ رپورٹ کے مطابق صوبے کے مختلف اضلاع میں پیش آنے والے حادثات میں 3 افراد جاں بحق اور 7 افراد زخمی ہوئے۔
پی ڈی ایم اے کے مطابق جاں بحق ہونے والوں میں 1 مرد اور 2 خواتین شامل ہیں جبکہ زخمی ہونے والوں میں 3 مرد، 1 خاتون اور 3 بچے شامل ہیں۔رپورٹ میں بتایا گیا ہے کہ طوفانی بارش اور آندھی کی وجہ سے 9 گھروں کو جزوی نقصان پہنچا۔ متاثرہ اضلاع میں صوابی، پشاور، شانگلہ، سوات اور ہری پور شامل ہیں۔
