کابل : افغانستان کے عبوری وزیرخارجہ امیرخان متقی نے ڈپٹی وزیراعظم کا عہدہ سنبھال لیا۔
غیر ملکی میڈیا کے مطابق افغان حکومت کے ترجمان ذبیح اللہ مجاہد نے کہا ہے کہ امیر متقی عارضی طور پر ڈپٹی وزیراعظم کی ذمہ داریاں نبھائیں گے، وہ داخلی وخارجی امور پر وزیراعظم کے مشیرہوں گے۔
امیر متقی کی تعیناتی کا فیصلہ ڈپٹی وزیراعظم مولوی عبد الکبیر کی بیماری کے باعث کیا گیا ہے۔
یاد رہے کہ 2021 میں طالبان کے دوبارہ برسراقتدار آنے کے بعد سے امیر متقی افغانستان کے عبوری حکومت میں بطور وزیرخارجہ ذمہ داریاں سرانجام دے رہے ہیں، وہ طالبان تحریک کے سرکردہ رہنماؤں میں بھی شامل ہیں۔
