لاہور: لاہور پولیس نے رہائی کے بعد چیئرمین پی ٹی آئی سے ملنے والے 27 کارکنوں کو گرفتار کر کے نامعلوم مقام پر منتقل کر دیا۔
پنجاب کے مختلف اضلاع سے پی ٹی آئی کارکن جیلوں سے رہائی کے بعد چیئرمین سے ملنے زمان پارک پہنچے تھے۔
کارکنوں کا تعلق ضلع قصور، لاہور، گوجرانوالا اور سرگودھا سے ہے، کارکن ملاقات کے بعد واپس جانے لگے تو مختلف علاقوں میں لگے ناکوں پر پولیس نے انہیں گرفتار کر لیا۔
گرفتار کارکنوں کی فہرست کے مطابق گرفتار کارکنوں میں زیادہ تر کا تعلق ضلع قصور، لاہور، گوجرانوالا اور سرگودھا سے ہے۔
پولیس ذرائع کے مطابق گرفتار کارکنوں کو ابھی تک کسی مقدمے میں نامزد نہیں کیا گیا ہے۔
واضح رہے کہ رواں ماہ کے آغاز میں لاہور ہائی کورٹ نے لاہور سمیت پنجاب کے 11 اضلاع میں تحریک انصاف کے کارکنوں کی نظر بندی کالعدم قرار دیتے ہوئے تمام افراد کو فوری طور پر رہا کرنے کا حکم دیا تھا۔
