صدر مملکت کومختلف ممالک کے پاکستان میں نامزد سفراء نے سفارتی اسناد پیش کر دی

اسلام آباد: صدر مملکت آصف علی زرداری کو تھائی لینڈ، فلپائن، سلووینیا، سربیا، برکینا فاسو، زیمبیا اور لاٹویا کے پاکستان میں نامزد سفراء نے سفارتی اسناد پیش کر دی ہیں۔
صدر آصف علی زرداری سے نامزد سفراء نے علیحدہ علیحدہ ملاقاتیں کیں۔ان ملاقاتوں میں صدر مملکت نے تجارت، معیشت اور ثقافت کے شعبوں میں دوطرفہ تعلقات مزید بہتر بنانے پر زور دیا۔
صدر مملکت نے دوطرفہ تجارتی اور کاروباری تعلقات کو مزید وسعت دینے کی ضرورت پربھی زوردیا۔
صدر مملکت نے سفراء کو ان کی نئی ذمہ داریوں پر مبارکباد دی اورپاکستان میں دوست ممالک کے نامزد سفراء کیلئے فرائض کی انجام دہی میں نیک خواہشات کا اظہارکیا۔