مظفرآباد:وزیراعظم آزادکشمیر چوہدری انوارالحق نے جنرل عاصم منیر کو فیلڈ مارشل کے عہدے پر ترقی ملنے پر مبارکباددی ہے ۔
اپنے تہنیتی پیغام میں وزیراعظم آزادکشمیر نے کہاکہ وفاقی حکومت کا آپریشن بنیان المرصوص کی اعلیٰ حکمت عملی مرتب کرنے پر سید عاصم منیر کو فیلڈ مارشل کے عہدے پر ترقی دینا دانشمندانہ فیصلہ ہے ، فیلڈ مارشل عاصم منیر کی قیادت میں پاک فوج نے معرکہ حق میں کامیابی حاصل کی۔
چوہدری انوارالحق نے کہاکہ فیلڈ مارشل جنرل عاصم منیر کی تحریک آزادی کشمیر سے کمٹمنٹ لازوال ہے ،انکو خراج تحسین پیش کرتے ہیں ۔انہوں نے ہندوستان کا غرور خاک میں ملایا ۔
وزیراعظم آزادکشمیر نے مزیدکہاکہ فیلڈ مارشل سید عاصم منیر حقیقی معنوں میں اس ترقی کے مستحق ہیں ، انہوں نے مظفرآباد میں کہا تھاکشمیر پر تین جنگیں لڑی ہیں سات اور لڑیں گے ۔
چوہدری انوارالحق نے کہاکہ فیلڈ مارشل سیدعاصم منیر نے مسئلہ کشمیر کے حوالے سے متعدد بار جس جرآت مندانہ موقف کا اظہار کیا ماضی میں اس کی نظیر نہیں ملتی ۔
