اسلام آباد:تھانہ رمنا کے علاقہ میں ڈاکوؤں کی فائرنگ سےاسلام آباد پولیس کے ہیڈ کانسٹیبل محمد اشرف اور ان کا بیٹا فائرلگنے سے شہید ہوگئے۔
پولیس کے مطابق شہید ہیڈ کنسٹیبل اپنے بیٹے کے ہمراہ جارہے تھے کہ راہزنوں کو واردات کرتے دیکھا۔
شہید ہیڈ کانسٹیبل نے راہزنوں کو پکڑنے کی کوشش کی تو ملزمان نے فائرنگ کردی۔
پولیس کے سینئر افسران بھاری نفری کے ہمراہ موقع پرپہنچے
ملزمان کی گرفتاری کے لئے علاقہ میں سرچ آپریشن جاری ہے۔
آئی سی سی پی او ڈاکٹر اکبر ناصر خاں نے ملزمان کو جلد از جلد گرفتار کرنے کے احکامات جاری کئے ہیں ۔
