حارث رؤف کا ون ڈے انٹرنیشنل میں ایک اور اعزاز

لاہور: قومی کرکٹ ٹیم کے فاسٹ بولر حارث رؤف نے ون ڈے انٹرنیشنل میں ایک اور اعزاز اپنے نام کرلیا۔

ایشیاکپ میں بنگلادیش کے خلاف سپر فور مرحلے کے پہلے میچ میں فاسٹ بولر حارث رؤف نے ون ڈے انٹرنیشنل میں پاکستان کیلئے تیز ترین 50 وکٹیں لینے والے تیسرے بولر بن گئے۔

انہوں نے یہ کارنامہ 27 ویں اننگز میں بنگلادیش کیخلاف میچ میں انجام دیا، فاسٹ بولر نے میچ میں بنگلا دیش کی 4 وکٹیں حاصل کیں، اس سے قبل ایشیاکپ میں بھارت کے خلاف میچ میں حارث رؤف نے شبمن گل، شریاس ایر اور ایشان کشن کی 3 اہم وکٹیں لے کر بھارت کو 266 تک محدود رکھا تھا۔

اس فہرست میں پاکستان کے تیز گیند باز حسن علی اور شاہین شاہ آفریدی سرفہرست ہیں جنہوں نے بالترتیب 24 اور 25 ون ڈے میچوں میں 50 وکٹیں حاصل کیں تھی۔