اسلام آباد:پاک فوج کے ترجمان آر لیفٹیننٹ جنرل احمد شریف چودھری نے کہاہے کہ افواج پاکستان کا سیاست سے کوئی تعلق نہیں فوج سیاسی جماعتوں سے بات کرنے میں دلچسپی نہیں رکھتی ۔پاکستان کی فوج کو برائے مہربانی سیاست میں ملوث نہ کیا جائے۔
برطانوی نشریاتی ادارے ”بی بی سی” کو خصوصی انٹرویو دیتے ہوئے ڈی جی آئی ایس پی آر نےکہاکہ ہم ریاست سے بات کرتے ہیں جو آئین کے تحت سیاسی جماعتوں سے مل کر بنی ہے، جو بھی حکومت ہوتی ہے وہی اس وقت کی ریاست ہوتی ہے، افواجِ پاکستان اس ریاست کے تحت کام کرتی ہیں، ادارے کو غیر ضروری تنقید کا نشانہ نہ بنایا جائے۔
لیفٹیننٹ جنرل احمد شریف چودھری نے مزید کہا کہ پاکستان کی مسلح افواج آئین اور قانون کے مطابق کام کر رہی ہیں،افواج پاکستان کا سیاست سے کوئی تعلق نہیں، فوج سیاسی جماعتوں سے بات کرنے میں دلچسپی نہیں رکھتی بات چیت سیاستدانوں کا کام ہے کہ وہ آپس میں بات کریں، پاکستان کی فوج کو برائے مہربانی سیاست میں ملوث نہ کیا جائے۔
ڈی جی آئی ایس پی آر نے مزید کہا کہ ملکی سلامتی اولین ترجیح ہے، قربانیوں کو فراموش نہ کیا جائے، سوشل میڈیا پر منفی پراپیگنڈا اداروں کو کمزور کرنے کی کوشش ہے۔انہوں نے مزید کہا کہ دہشت گردی کے خلاف جنگ میں فوج نے بے مثال قربانیاں دیں، قومی یکجہتی اور اتحاد وقت کی اہم ضرورت ہے۔
ترجمان پاک فوج کاکہناتھا کہ اداروں پر تنقید اور ریاست مخالف بیانیہ دشمن کے بیانیہ سے مطابقت رکھتا ہے۔ نوجوان نسل کو گمراہ کرنے والے عناصر سے خبردار رہنا ہوگا۔
