کینبرا :آسٹریلیا نے کہا ہے کہ وہ اپنے شہریوں کو ایران سے نکالنے کی تیاری کر رہا ہے۔
دفاعی صنعت کے وزیر پیٹ کونروئے نے گذشتہ منگل کو آسٹریلین براڈکاسٹنگ کارپوریشن (اے بی سی) کو بتایا کہ حکومت ایران میں مقیم اپنے ان شہریوں کے لیے انخلا کا منصوبہ بنا رہی ہے جو مشرق وسطیٰ کے تنازعے کے باعث وہاں سے نکلنا چاہتے ہیں۔
انہوں نے مزید کہا کہ ایئر زونز اس وقت بند ہیں، ہم آسٹریلوی باشندوں کو نکالنے یا ان زونز کے دوبارہ کھلنے پر انہیں کمرشل پروازوں کے ذریعے مدد فراہم کرنے کا منصوبہ تیار کر رہے ہیں۔
