بالاکوٹ شوگران،بالائی علاقوں میں برف باری سے موسم شدید سرد،سیاح پھنس گئے

بالاکوٹ:شوگران، سری پایہ، مکڑہ میں برف باری کے باعث جہاں سردی کی شدت میں اضافہ ہوگیا ہے وہیں سیاحوں کو بھی شدید مشکلات کا سامنا ہے۔

شوگران روڈ پر پھسلن کے باعث سیاحوں کی ویگو گاڑی حادثے کا شکار ہو گئی، حادثے میں ایک سیاح شدید زخمی ہوا جبکہ باقی گاڑی سے باہر رہنے کے باعث محفوظ رہے۔

زخمی سیاح کو ریسکیو اہلکاروں نے ہسپتال منتقل کر دیا، ریسکیو ذرائع کے مطابق زخمی سیاح کا تعلق لاہور سے ہے۔