میرا توجہ دلاوٴ نوٹس روکنے کے لئے قومی اسمبلی اجلاس موٴخر کرنے کی ہدایات دی گئیں، آصفہ بھٹو

اسلام آباد:پاکستان پیپلزپارٹی کی رہنما اور رکن قومی اسمبلی آصفہ بھٹو زرداری نے کہا ہے کہ میرا توجہ دلاوٴ نوٹس روکنے کے لئے قومی اسمبلی کا سیشن موٴخر کرنے کی ہدایات دی گئیں۔
سماجی رابطے کی ویب سائٹ ایکس پر جاری اپنے ایک اہم بیان میں ان کا کہنا تھا کہ قائم مقام اسپیکر کے رویّے پر انتہائی مایوسی ہوئی ہے، کورم موجود ہونے کے باوجود بار بار اجلاس معطل کرنا پارلیمانی نظام کا مذاق بنانے کے مترادف ہے۔
آصفہ بھٹو زرداری نے کہا کہ کہا جارہا ہے کہ اسپیکر کو سیشن موٴخر کرنے کی ہدایات دی گئیں تاکہ میرا توجہ دلاوٴ نوٹس پیش نہ ہو سکے، اجلاس کو موٴخر کرنا نہایت چھوٹی اور گھٹیا سیاسی چال ہے۔