بنگلہ دیش اے سیمی فائنل میں بھارت اے کو شکست دے کرایشیا کپ رائزنگ اسٹارز کے فائنل میں پہنچ گیا

دوحہ:بنگلہ دیش اے نے ایشیا کپ رائزنگ اسٹارز کے فائنل کے لئے کوالیفائی کر لیا۔ سیمی فائنل میں بھارت اے کو سُپر اوور میں شکست دی۔

دوحہ میں کھیل گئے پہلے سیمی فائنل میں بنگلہ دیش اے نے پہلے بیٹنگ کرتے ہوئے 20اوورز میں 6وکٹوں کے نقصان پر 194رنز بنائے۔ اوپنر حبیب الرحمان سوہان نے 65رنز کی اننگز کھیلی۔ مہروب حسن 48رنز بنا کر ناقابل شکست رہے۔ جشان عالم 26رنز بنا سکے۔ بھارت اے کی جانب سے گرجاپنیت سنگھ نے 2 کھلاڑیوں کو آؤٹ کیا۔

جواب میں بھارت اے نے بھی 20اوورز 6وکٹوں کے نقصان پر 194رنز بنائے اور فیصلے کے لئے سُپر اوور کا سہارہ لیا گیا۔ اوپنرز ’’پریانش آریا‘‘ نے44 اور ’’سوریا ونشی نے‘‘ 38رنز بنائے۔ ’’جتیش شرما‘‘ 33 اور ’’نیہال ودھیرا‘‘ 32رنز بنا سکے۔ بنگلہ دیش کی جانب سے ابو حیدر اور رقیب الحسن نے 2،2وکٹیں حاصل کیں۔

دلچسپ مقابلے کے بعد سُپر اوور میں بنگلہ دیش کی ٹیم نے بھارت اے کو رن بنانے کا موقع نہ دیا اور ابتدائی دونوں گیندوں پر وکٹیں گرائیں۔ بنگلہ دیش اے نے ایک رن کا ہدف حاصل کر کے فائنل میں جگہ بنائی۔