ڈھاکہ:بنگلہ دیش کرکٹ بورڈ نے پاکستان سپر لیگ سیزن 11 کے لیے اپنے کھلاڑیوں کو جزوی این او سی جاری کر دیے ہیں۔
بنگلا دیشی میڈیا کے مطابق مستفیض الرحمان سمیت متعدد کھلاڑیوں کو نیوزی لینڈ کے خلاف سیریز کے باعث محدود مدت کے لیے اجازت دی گئی ہے۔ مستفیض الرحمٰن کو 26 مارچ سے 12 اپریل اور 24 اپریل سے 3 مئی تک این او سی دیا گیا ہے اور انہیں ٹی ٹوئنٹی سیریز سے استثنیٰ حاصل ہوگا۔پرویز حسین ایمان، شریف الاسلام، رِشاد حسین ، تنزید حسن اور ناہید رانا کو مختلف
مدت کے لیے این او سی جاری کیے گئے ہیں۔
بنگلہ دیش ٹیم کا کیمپ 27 مارچ سے شروع ہوگا، جبکہ بورڈ نے کھلاڑیوں کو ہدایت کی ہے کہ وہ نیوزی لینڈ کے خلاف ون ڈے سیریز کے لیے دستیاب رہیں، جو ورلڈ کپ کوالیفکیشن کے لیے اہم ہے۔بنگلہ دیش اورنیوزی لینڈ کے درمیان ون ڈے میچز 17، 20 اور 23 اپریل جبکہ ٹی ٹوئنٹی سیریز 27 اپریل سے شروع ہوگی۔
