لاہور: پاکستان کے خلاف تین میچوں کی ٹی ٹوئنٹی سیریز کے لیے بنگلہ دیش کرکٹ ٹیم لاہور پہنچ گئی ہے۔
مہمان ٹیم تین گروپس میں پاکستان پہنچی ہے، تیسرے اور آخری مرحلے میں بنگلہ دیش کرکٹ ٹیم کے مزید چار کھلاڑی اور سپورٹ سٹاف کے اراکین لاہور پہنچے ہیں۔پاکستان اور بنگلہ دیش کے درمیان تین ٹی ٹونٹی میچز قذافی سٹیڈیم لاہور میں کھیلے جائیں گے۔
پہلا میچ 28مئی کو شیڈول ہے۔ دوسرا میچ 30 مئی جبکہ تیسرا میچ یکم جون کو کھیلا جائے گا۔ ٹی ٹوئنٹی سیریز کے لیے ٹکٹوں کی قیمت200سے 500 روپے تک رکھی گئی ہے۔
