کراچی: پاکستان کی نیوزی لینڈ کے خلاف سیریز کے تیسرے ون ڈے میں بیٹنگ جاری ہے۔
نیشنل اسٹیڈیم کراچی میں کھیلے جارہے میچ میں نیوزی لینڈ کے کپتان ٹام لیتھم نے ٹاس جیت کر پہلے فیلڈنگ کرنے کا فیصلہ کیا، انہوں نے کہا کہ کوشش ہوگی پاکستان کو جلد وکٹیں لیکر پریشر میں لائیں۔
اس موقع پر کپتان بابراعظم نے کہا کہ ابتدائی میچز کی طرح پرفارمنس دینے کی کوشش کریں گے، کیویز کے خلاف 300 سے زائد رنز کا ہدف ذہن میں ہے۔
انہوں نے کہا کہ قومی ٹیم میں دو تبدیلیاں کی گئی ہیں، شاہین آفریدی اور شاداب خان کی واپسی ہوئی ہے جبکہ احسان اللہ کو آرام کروایا گیا ہے۔
آج کے میچ میں قومی ٹیم کے کھلاڑیوں میں کپتان بابراعظم، فخر زمان، امام الحق، عبداللہ شفیق، محمد رضوان، شاداب خان، آغا سلمان، محمد نواز، شاہین آفریدی، محمد وسیم اور نسیم شاہ شامل ہیں۔
