Home sticky post 4 برطانوی شہزادی کیٹ مڈلٹن نے پاکستانی ڈیزائنر کا جوڑا ایک بار پھر پہن لیا

برطانوی شہزادی کیٹ مڈلٹن نے پاکستانی ڈیزائنر کا جوڑا ایک بار پھر پہن لیا

Share
Share

لندن:برطانوی شاہی خاندان کی بڑی بہو، پرنسس آف ویلز کیٹ مڈلٹن نے عید الفطر کے موقع پر مسلم کمیونٹی کا دورہ کیا، اس موقع پر وہ پاکستانی ڈیزائنر کی جانب سے تیار کردہ لباس میں نظر آئیں۔
پاکستان فیشن انڈسٹری کی نامور ڈیزائنر ایلان کلوتھنگ برانڈ کی کری ایٹیو ڈائریکٹر خدیجہ شاہ نے اپنے سوشل میڈیا اکاوٴنٹ انسٹاگرم پر پرنسس آف ویلز کی نئی ویڈیو شیئر کی ہے۔
اس ویڈیو میں کیٹ مڈلٹن کو ایلان برانڈ کے جوڑے کا دوپٹہ اوڑھے دیکھا جا سکتا ہے۔
خدیجہ شاہ نے اپنی پوسٹ میں خوشی کا اظہار کرتے ہوئے لکھا ہے کہ مجھے خاص طور پر یہ دیکھ کر بہت خوشی ہوئی کہ شہزادی نے عید پر ایلان کا لباس دوبارہ پہنا جو انہوں نے پہلی بار سابق وزیرِ اعظم عمران خان کی حکومت کے دوران پاکستان کے دورے پر پہنا تھا۔
خدیجہ شاہ نے اپنی پوسٹ میں کیٹ مڈلٹن کی سادگی کی بھی تعریف کی ہے۔
یاد رہے کہ برطانوی شہزادے ولیم اور ان کی اہلیہ شہزادی کیٹ مڈلٹن نے 2019ء میں 14 سے 18 اکتوبر تک پاکستان کا دورہ کیا تھا۔
اس دوران کیٹ مڈلٹن نے پاکستانی ڈیزائنر خدیجہ شاہ کے برانڈ ایلان کا تیار کردہ سفید اور سیاہ رنگ کا یہ جوڑا پہلی بار پہنا تھا۔
بعد ازاں اس جوڑے کو کلاتھنگ اسٹور و فیشن برانڈ ’ایلان‘ کی جانب سے عید کلیکشن کے لیے بھی پیش کیا گیا تھا۔
ایلان نے انسٹاگرام پوسٹ میں لباس کی وضاحت پیش کرتے ہوئے اس کی قیمت 29 ہزار 500 روپے بتائی تھی۔
خیال رہے کہ پرنس ولیم اور پرنسس کیٹ مڈلٹن کی جانب سے کیا گیا پاکستان کا یہ دورہ کسی بھی برطانوی شاہی گھرانے کی شخصیت کی جانب سے 13 سال بعد کیا گیا تھا۔

ان سے قبل 2006ء میں موجودہ برطانوی شاہ چارلس نے اس وقت شہزادے کی حیثیت سے اپنی اہلیہ شہزادی کمیلا کے ہمراہ پاکستان کا دورہ کیا تھا۔

ان سے

Share
Related Articles

ادارہ شماریات کی جانب سے مہنگائی کی شرح کے اعداد و شمار جاری

اسلام آباد:وفاقی ادارہ شماریات نے مہنگائی کی شرح کے اعداد و شمار...

پاکستان کو ترقی یافتہ، خودمختار و عوام دوست ملک بنائیں گے ،صدر آصف زرداری

اسلام آباد:صدر مملکت آصف علی زرداری نے کہا ہے کہ ہم شہید...

بجلی کی قیمتوں میں کمی تاریخ ساز اقدام، برآمدات میں اضافہ اور شرح نمو بڑھے گی،ایاز صادق

اسلام آباد:اسپیکر قومی اسمبلی اور مسلم لیگ (ن) کے سینئر رہنما سردار...

محسن نقوی کو ایشین کرکٹ کونسل کی صدارت مل گئی

اسلام آباد:چیئرمین پاکستان کرکٹ بورڈ (پی سی بی) محسن نقوی کو ایک...