اسلام آباد: کیپیٹل ڈیویلپمنٹ اتھارٹی (سی ڈی اے) نے بڑا ایکشن لیتے ہوئے وفاقی دارالحکومت میں خیبرپختونخواہ ہاوٴس سیل کرنے کا عمل شروع کردیا۔
سی ڈی اے ذرائع کے مطابق خیبر پختونخواہ ہاوٴس کے متعدد بلاک سیل کردیے گئے۔ کے پی ہاوٴس کو بلڈنگ رولز کی خلاف ورزی پر سربمہر کیا گیا۔
سی ڈی اے کا موٴقف ہے کہ کے پی کے ہاوٴس کی لیز ختم ہونے پر سی ڈی اے نے اس کی انتظامیہ کو متعدد مراسلے بھیجے، جن میں سے آخری مراسلہ رواں سال تین مئی کو بھیجا گیا تھا جس میں کہا گیا کہ کے پی ہاوٴس کی تجدید کروائی جائے، مگر کے پی ہاوٴس انتظامیہ نے کوئی توجہ نہ دی۔
اسپیشل مجسٹریٹ سردار محمد آصف نے ہاوٴس کو سیل کیا اور اسسٹنٹ کمشنر عبداللہ بھی سی ڈی اے ٹیم کے ہمراہ تھے۔
پی ٹی آئی کے ڈی چوک اسلام آباد پر احتجاج کے لیے وزیراعلی علی امین گنڈاپور جمعے کو خیبر پختونخوا سے قافلے کی شکل میں اسلام آباد کی طرف روانہ ہوئے اور حکومتی رکاوٹوں کو عبور کرتے ہوئے بہت مشکل سے ہفتے کو اسلام ا?باد پہنچے جہاں وہ خیبرپختونخوا ہاوٴس میں گئے اور وہاں غائب ہوگئے۔
کے پی حکومت اور پی ٹی آئی نے کہا کہ علی امین کو گرفتار کرلیا گیا ہے تاہم حکومت نے اس کی تردید کی۔ چوبیس گھنٹوں بعد لاپتہ وزیراعلیٰ علی امین گنڈا پور اچانک خیبرپختونخوا اسمبلی میں نمودار ہوئے۔
