ٹیکنالوجی کمپنی اوپن اے آئی نے چیٹ جی پی ٹی کے لیے جاری کی گئی اپ ڈیٹ واپس لے لی۔
کمپنی کے سی ای او سیم آلٹمن کے مطابق جاری کی گئی اپ ڈیٹ جس کی وجہ سے اے آئی چیٹ بوٹ کا رویہ ’خوش آمدی‘ ہوگیا تھا، کو واپس لے لیا ہے۔
چیٹ جی پی ٹی صارفین کے مطابق جی پی ٹی-4 او (چیٹ بوٹ کا تازی ترین ورژن) اب ڈیٹ کے بعد سے ضرورت سے زیادہ صارفین کی تائید کرنے لگ گیا تھا اور صارفین کی ان مواقع پر بھی تعریف کر رہا تھا جہاں ایسا کرنے کی کوئی ضرورت نہیں تھی۔
گزشتہ اتوار کو سیم آلٹمن نے اپ ڈیٹ کے سبب پیش آنے والے مسائل کا اعتراف کیا تھا۔
سماجی رابطے کے پلیٹ فارم ایکس پر انہوں نے ایک پوسٹ میں لکھا کہ جی پی ٹی-4او میں کی گئی گزشتہ اپ ڈیٹس نے چیٹ بوٹ کو کافی خوشامدی بنا دیا ہے۔ ہم اس مسئلے پر کام کر رہے ہیں۔ کچھ آج (یعنی 27 اپریل) اور کچھ اس ہفتے میں دور ہوجائیں گے۔
منگل کے روز اوپن اے آئی کی جانب سے جاری کیے گئے بیان میں اس بات کی تصدیق کی گئی کہ گزشتہ ہفتے پیش کی گئی اپ ڈیٹ کو واپس لے لیا گیا ہے اور اب صارفین چیٹ جی پی ٹی کا پرانا ورژن استعمال کر رہے ہیں۔
