اسلام آباد: پاکستان تحریک انصاف کے رہنما ء علی محمد خان نے کہا ہے کہ آئینی ترامیم پاکستان کی جمہوریت کی تباہی ہیں۔
پارلیمنٹ کے باہر میڈیا سے گفتگو کرتے ہوئے علی محمد خان کا کہنا تھا کہ یہ آئینی ترامیم سے آزاد سپریم کورٹ پر حملہ کیا جا رہا، جو قربانیاں مشرف دور میں آزاد سپریم کورٹ کے لیے ہم نے دی تھیں ان قربانیوں میں بینظیر، نواز شریف اور بانی پی ٹی آئی کا حصہ تھا۔
علی محمد خان نے مزید کہا کہ اگر یہ ترمیم پاس ہوئی تو ان سب کی قربانیاں رائیگاں چلی جائیں گی، آئینی ترمیم کسی صورت پاس نہیں ہونی چاہیے، اگر ایک ووٹ بھی اس کے مخالف جائے گا تو میرا ہو گا۔
