عدالت کاعمر ایوب، شیخ وقاص اکرم اور زرتاج گل کو گرفتار کر کے پیش کرنے کا حکم

اسلام آباد: انسداد دہشت گردی عدالت اسلام آباد نے پی ٹی آئی رہنماوٴں عمر ایوب، شیخ وقاص اکرم اور زرتاج گل کو گرفتار کر کے پیش کرنے کا حکم دے دیا۔
اے ٹی سی اسلام آباد میں پی ٹی آئی رہنماوٴں کے خلاف سنگجانی جلسہ کیس کی سماعت ہوئی، جس میں عدالت نے عمر ایوب، شیخ وقاص اکرم اور زرتاج گل کے وارنٹ گرفتاری جاری کر دیئے۔
عدالت نے پی ٹی آئی کے تینوں رہنماوٴں کو گرفتار کر کے پیش کرنے کا حکم دے دیا۔
انسداددہشت گردی عدالت کے جج طاہر عباس سپرا نے مقدمات کی سماعت کی، جس میں عدالت نے عمر ایوب کی حاضری سے استثنا کی درخواست مسترد کر دی، جج نے ریمارکس دیئے کہ یہ تمام لوگ ایک دفعہ بھی اس مقدمے میں پیش نہیں ہوئے۔
سماعت کے دوران پی ٹی آئی رہنماوٴں کی جانب سے سردار محمد مصروف خان، آمنہ علی اور مرتضیٰ طوری ایڈووکیٹ عدالت میں پیش ہوئے، بعد ازاں عدالت نے کیس کی مزید سماعت 20 اکتوبر تک ملتوی کر دی۔