اسلام آباد:ملک بھر میں بجلی چوروں کے خلاف کریک ڈاؤن کے دوران 10 ہزار بجلی چور گرفتار،23 ہزار سے زائد ایف آئی آر درج،14 ارب 33 کروڑ روپے کی ریکوری کی گئی ہے۔ سیکرٹری پاور ڈویژن راشد لنگڑیال کا کہنا ہے کہ مجموعی چوری میں 75 فیصد ہونے کے باوجود سندھ اور خیبر پختونخوا میں صرف 725 گرفتاریاں ہوئیں ۔
بجلی چوری کرنے والوں کے خلاف پاور ڈویژن کی کاروائی روزانہ کی بنیاد پر جاری ہے،سیکرٹری پاور ڈویژن کا کہنا ہے کہ ملک بھر سے اب تک دس ہزار بجلی چوروں کو گرفتار کیا گیا ہے جبکہ 23 ہزار 152 ایف آئی آر درج ہوئی ہیں۔
سیکرٹری پاور ڈویژن راشد لنگڑیال کا کہنا ہے کہ بجلی چوروں سے مجموعی طور پر 14 ارب 33 کروڑ روپے کی ریکوری ہوئی ہے۔
ان کا کہنا تھا کہ لیسکو میں 3 ارب 85 کروڑ روپے ریکور کرکے 2 ہزار 961 افراد کو گرفتار کیا گیا ہے، 9 ہزار 564 ایف آئی آرز درج ہوئی۔ حیکسو میں دو ارب 69 کروڑ، پیسکو میں دو ارب 42 ارب روپے ریکور کیے گئے ہیں۔
سیکرٹری پاور ڈویژن نے مزید بتایا کہ مجموعی چوری میں 75 فیصد ہونے کے باوجود سندھ اور خیبر پختونخوا میں صرف 725 گرفتاریاں ہوئیں۔
