اسلام آباد:ایک سیاسی جماعت کی جانب سے ڈی چوک میں احتجاج کے پیش نظر آل پاکستان پرائیویٹ سکولزاینڈ کالجز ایسوسی ایشن نے جڑواں شہروں کے تمام نجی تعلیمی اداروں میں چھٹی کا اعلان کردیا ۔
صدر ایسوسی ایشن ڈاکٹر ملک ابرار حسین کا کہنا ہے کہ کل بروز جمعہ راولپنڈی اسلام آباد کے تمام نجی تعلیمی ادارے بند رہیں گے
، ڈاکٹر ملک ابرار حسین نے کہا کہ تعلیمی اداروں میں چھٹی کا فیصلہ راستوں کی بندش اور بچوں کی حفاظت کے پیش نظر کیا ہے۔
ڈاکٹر ابرار حسین کا کہنا ہے کہ دیہی یا دوردراز علاقوں میں قائم نجی تعلیمی ادارے صورتحال کو دیکھتے ہوئے ادارے بند کرنے یا نہ کرنے کا فیصلہ خود کریں۔
