بجلی بلوں میں سےصوبائی “الیکٹریسٹی ڈیوٹی” ختم کرنے کا فیصلہ،وزیرِ توانائی نے تمام وزرائے اعلیٰ کو خط ارسال کر دئیے

اسلام آباد: بجلی بلوں میں سےصوبائی “الیکٹریسٹی ڈیوٹی” ختم کرنے کا فیصلہ،،وزیرِ توانائی اویس لغاری نے تمام وزرائے اعلیٰ کو خط ارسال کر دیے۔جولائی 2025 سے بجلی بلوں کے ذریعے صوبائی “الیکٹریسٹی ڈیوٹی” کی وصولی بند ہو گی۔
وزیرِ توانائی اویس لغاری کاکہناہے کہ بجلی کے بلوں میں ٹیکسوں کا بوجھ کم کرنا چاہتے ہیں بلوں میں متعدد چارجز اور ڈیوٹیوں سے صارفین الجھن کا شکار ہیں۔
خط میں وفاقی وزیر نے بجلی کے نرخ کم کرنے کے حکومتی اقدامات بھی اجاگر کیے ہیں ۔ خط میں آئی پی پیز معاہدوں پر نظرثانی، سرکاری پاور پلانٹس کا ROE کم کرنے پر کام جاری رکھنے کا ذکر کیاگیاہے ۔
وفاقی وزیر تونائی کاکہناہے کہ بل صرف بجلی کے اصل خرچ کو ظاہر کریں، یہی ہمارا ہدف ہے،صوبے متبادل ذرائع سے ڈیوٹی وصولی کے طریقے تجویز کریں، صارفین صرف بجلی کی قیمت ادا کریں، اضافی چارجز کا خاتمہ چاہتے ہیں۔