عید میلادالنبی ﷺ اور یومِ دفاع،دن کا توپوں کی سلامی اور خصوصی دعاؤں سے آغاز

اسلام آباد: سرکارِ دو عالم خاتم النبیین حضرت محمد ﷺ کی جشنِ ولادت آج انتہائی مذہبی عقیدت و احترام کے ساتھ منایا جا رہا ہے۔عیدمیلاد النبی اوریوم دفاع وشہداءکے موقع پردن کا آغاز وفاقی دارلحکومت میں 31جبکہ صوبائی دارلحکومتوں میں21 توپوں کی سلامی کے ساتھ ہوا۔ملک بھر میں نماز فجر کے بعد ملک کی سلامتی اور خوشحالی کے لیے خصوصی دعائیں کی گئیں۔

سلامی کے بعد پاک فوج کے جوانوں نے نعرہ تکبیر بلند کیا اور فضا اللہ اکبر اور پاک فوج زندہ باد کے نعروں سے گونج اٹھی۔12 ربیع الاوّل کے موقع پر ملک بھر میں رات بھر چراغاں کیا گیا۔ محافل میں حضورﷺ کی خدمت میں عقیدت کے پھول نچھاور کئے گئےاور آقائے دو جہاں ﷺ کے حضور درود و سلام پیش کیاگیا۔