ہرارے:آئی سی سی انڈر 19 ورلڈ کپ میں انگلش ٹیم نے پاکستانی ٹیم کو 37 رنز سے ہرا دیا، گرین شرٹس 211 رنز کے تعاقب میں 173 رنز تک محدود رہی۔
ہرارے میں پاکستان انڈر19نے ٹاس جیت کر فیلڈنگ کا فیصلہ کیا۔ انگلینڈ کی ٹیم 46اعشاریہ 5 اوورز میں 210رنز بنا کر آؤٹ ہو گئی۔ ’’کیلب فالکونر‘‘ نے نصف سنچری سکور کی، انہوں نے 2چھکوں اور تین چوکوں کی مدد سے 66رنز بنائے۔ ’’بین ڈاکنز‘‘ 33 اور ’’رالفی البرٹ‘‘ 25رنز بنا سکے۔ پاکستان کی جانب سے احمد حسین نے 3 کھلاڑیوں کو آؤٹ کیا۔ علی رضا، عبدالصبحان اور مومن قمر کے حصے میں 2،2وکٹیں آئیں۔
ہدف کے تعاقب میں پاکستان انڈر19 ٹیم 46اعشاریہ 3 اوورز میں 173رنز بنا کر آؤٹ ہو گئی۔کپتان فرحان یوسف 65رنز بنا کر نمایاں بیٹر رہے۔ مومن قمر 18 اور حزیفہ احسن 17رنز بنا سکے۔ انگلینڈ کی جانب سے الیکس گرین،جیمز مِنٹو اور ’’رالفی البرٹ‘‘ نے 2،2وکٹیں حاصل کیں۔
