لندن:انگلینڈ کرکٹ بورڈ نے قواعد و ضوابط میں تبدیلی کرتے ہوئے انگلینڈ اور ویلز میں ٹرانس جینڈر کھلاڑیوں پر ویمنز کرکٹ میں حصہ لینے پر پابندی عائد کردی۔انگلش بورڈ نے یہ قدم برطانوی سپریم کورٹ کے فیصلے کے بعد اٹھایا ہے۔
کرک انفو کے مطابق برطانوی سپریم کورٹ نے برابری کے قانون (اکوالٹی لا) میں عورت کی تعریف پر فیصلہ دیا تھا جس کے بعد انگلش کرکٹ بورڈ نے یہ قدم اٹھایا۔ دوسری جانب فٹبال اور نیٹ بال میں بھی یہ پابندی عائد کی گئی ہے۔
اس سے قبل انگلش بورڈ نے آئی سی سی کے مؤقف سے مطابقت کرتے ہوئے ٹرانس جینڈر کھلاڑیوں پر اپنے ایلیٹ مقابلوں میں پابندی عائد کی تھی۔
بورڈ کی جانب سے جاری ہونے والے ایک بیان میں کہا گیا کہ اس پابندی کا اطلاق فوری طور پر ہوگا اور صرف وہ کھلاڑی کھیلنے کی اہل ہوں گی جن کی بائیولوجیکل جنس تانیث ہوگی۔ تاہم، ٹرانس جینڈر کھلاڑی اوپن اور مکسڈ کرکٹ کھیلنا جاری رکھ سکیں گی۔
گورننگ باڈی کی جانب سے متاثر ہونے والے افراد کے متعلق ڈیٹا جاری نہیں کیا گیا لیکن اس تبدیلی متاثر ہونے والے افراد کی مدد کرنے کا عزم کیا ہے۔
