فیفا کلب ورلڈ کپ 2025کے میچز امریکہ کے11شہروں کے12وینیوز پر کھیلے جائیں گے۔
نیو جرسی کا میٹ لائف اسٹیڈیم 13جولائی کو شیڈول فائنل کی میزبانی کرے گا۔ میٹ لائف اسٹیڈیم، ایک کھلے میدان والا اسٹیڈیم ہے،جس کی گنجائش 82,500 ہے۔
کلب ورلڈ کپ کے لیے دیگر میزبان وینیوزبنیادی طور پر این ایف ایل اور میجر لیگ ساکر اسٹیڈیمز کا امتزاج ہیں، ان میں اٹلانٹا، شارلٹ، سنسیناٹی، لاس اینجلس، میامی، نیش ول، فلاڈیلفیا، سیئٹل، واشنگٹن اور اورلینڈو کے دو مقامات شامل ہیں۔ٹورنامنٹ کا فارمیٹ چار ٹیموں کے آٹھ گروپس پر مشتمل ہے۔ایونٹ پلے آف مرحلے ناک آؤٹ فارمیٹ پر ہوگا۔
