راولپنڈی :رحمان آباد کے قریب تین پلازوں میں لگنے والی آگ سے 1 شخص جاں بحق 25 دکانوں میں کروڑوں روپے مالیت کا کپڑا جل کر راکھ ہوگیا، ریسکیو 1122 نے سرچ آپریشن شروع کردیا
ترجمان ریسکیو 1122 نے بتایا کہ رحمان آباد گلف سینٹر پلازہ میں لگنے والی آگ دیکھتے ہی دیکھتے چائنہ سینٹر اور رابی سینٹر پلازہ تک پھیل گئی ۔
تینوں پلازے تین تین منزلہ ہیں جہاں خواتین کے فینسی کپڑوں کا کاروبار ہوتا ہے، آگ سے مجموعی طور پر 25 دکانیں جل کر راکھ ہوگی، جبکہ دم گھٹنے سے 15 سالہ درزی منیب جاں بحق ہوا ہے۔
آگ پر قابو پانے کے لیے پلازوں کے تمام شیشے توڑے گئے، آگ لگنے کی وجہ تاحال معلوم نہیں ہوسکی، امدادی ٹیموں نے آگ پر قابو پالیا ہے، فائرفائٹرز متاثرہ پلازوں میں سرچ آپریشن کررہے ہیں۔
