انٹرا پارٹی انتخابات ،الیکشن کمیشن نےچیئرمین پی ٹی آئی کو4 اگست کو طلب کرلیا

اسلام آباد:الیکشن کمیشن آف پاکستان نے مقررہ وقت پر انٹرا پارٹی الیکشن نہ کرانے پر پاکستان تحریک انصاف کو نوٹس جاری کرتے ہوئے چیئرمین پی ٹی آئی کو چار اگست کو طلب کرلیاہے ۔
۔
الیکشن کمیشن کی جانب سے پی ٹی آئی کو جاری نوٹس میں کہاگیاہے کہ تحریک انصاف مقررہ وقت پر انٹرا پارٹی الیکشن کرانے میں ناکام رہی انٹراپارٹی الیکشن الیکشن ایکٹ کے تحت لازم ہیں،نوٹس میں کہاگیاہے کہ انٹراپارٹی انتخابات نہ کرانے پر پارٹی نشان کیوں نے واپس لیا جائے۔تحریک انصاف کے انٹراپارٹی الیکشن 13 جون 2021 کے بعد سے نہیں ہوئے۔تحریک انصاف نے جو انٹراپارٹی انتخابات کرائے تھے وہ آئین کے مطابق نہیں تھے، الیکشن کمیشن نے تحریک انصاف کے چیئرمین کو نوٹس ان کے زمان پارک لاہوراوربنی گالہ اسلام آباد کے پتے پرارسال کرتے ہوئے کہاہے کہ بطور پارٹی سربراہ الیکشن کمیشن کے سامنے پیش ہوکر اپنی پوزیشن واضح کریں۔