اسلام آباد:پاکستان کی تاریخ میں پہلی دفعہ فیڈرل بورڈ آف ریونیو نے26 جون تک ٹیکسوں کی مد میں سات ہزار ارب روپے کا ریونیو اکٹھا کر لیا ہے،،،وزیرخزانہ اسحاق ڈار کاکہناہے کہ 30 جون تک اس میں مزید اضافہ ہو گا۔
وفاقی وزیر خزانہ اسحاق ڈار نے جون میں اب تک جمع ہونے والے محصولات سے متعلق ٹوئٹر پر جاری کردہ بیان میں کہا کہ پہلی بار فیڈرل بورڈ آف ریونیو (ایف بی آر) نے 26جون تک محصولات کی مد میں سات ہزارارب روپے جمع کرلیے۔
وزیر خزانہ نے بتایا کہ 30 جون تک ایف بی آر کی محصولات میں مزید اضافہ ہوگا۔
واضح رہے کہ قومی اسمبلی نے آئندہ مالی سال کے لیے 14 ہزار 480 حجم کا بجٹ منظور کرلیاہے حکومت کی جانب سے بہت سی ترامیم بھی کی گئی ہیں، پیٹرولیم ڈویلپمنٹ لیوی کی حد 50 روپے سے بڑھا کر 60 روپے فی لیٹر کردی گئی ہے، جس کے بعد آئی ایم ایف معاہدے کی ایک اور شرط پوری ہوگئی ہے۔
بجٹ میں ٹیکس وصولیوں کا ہدف 9 ہزار 200 سے بڑھا کر 9 ہزار 415 ارب روپے مقرر کیا گیا ہے، پنشن ادائیگی 761 ارب سے بڑھا کر 801 ارب کردی گئی ہیفنانس ایکٹ کے تحت 215 ارب کے نئے ٹیکس عائدکییگئے ہیں، بینظیر انکم سپورٹ پروگرام کی رقم 459 ارب روپے کے بجائے 466 ارب روپے کردی گئی ہے۔
