لندن:لندن ہائی کورٹ کے حکم پر بھگوڑے عادل راجہ نے معافی مانگ لی۔عادل راجہ نے جھوٹے الزامات اور کردار کشی پر بریگیڈیئر ریٹائرڈ راشد نصیر سےتحریری معافی سوشل میڈیا پلیٹ فارم ایکس پر پوسٹ کی۔
معافی مانگتے ہوئے عادل راجہ نے اعتراف کیا کہ 14 سے 29 جون 2022 کے دوران میں نے ہتک آمیز الزامات لگائے تھےمیرے پاس ان الزامات کا کوئی دفاع موجود نہیں تھا۔ میں لندن ہائی کورٹ کے فیصلے کے مطابق معافی مانگتا ہوں۔ 9 اکتوبر 2025 کے فیصلے میں مجھے ذمہ دار ٹھہرایا گیامجھے راشد نصیر کو 50 ہزار پاؤنڈ ہرجانہ ادا کرنے کا حکم دیا گیا ۔
عدالت نے جون 2022 میں لگائے گئے الزامات کو بے بنیاد اور ہتک آمیز قرار دیتے ہوئے مجرم عادل راجہ کو 22 دسمبر سے پہلے معافی مانگنے کی ہدایت کی تھی جبکہ معافی 28 دن تک سوشل میڈیا اکاؤنٹس پر نمایاں رکھنے کا حکم بھی دیا گیا تھا۔
