جنرل ساحر شمشاد مرزا کی سعودی وزیر دفاع سے ملاقات، دفاعی تعاون بڑھانے پر تبادلہ خیال

ریاض:چیئرمین جوائنٹ چیفس آف سٹاف کمیٹی جنرل ساحرشمشاد مرزا نے سعودی عرب کا دورہ کیا۔

آئی ایس پی آر کے مطابق جنرل ساحرشمشاد مرزا نے دوسرے ورلڈ ڈیفنس شو میں شرکت کی، جنرل ساحر شمشاد مرزا کی سعودی وزیر دفاع سے ملاقات ہوئی، ملاقات میں سٹریٹجک، سکیورٹی امور اور دفاعی تعاون کے فروغ پر بات چیت ہوئی۔

آئی ایس پی آر کا کہنا ہے کہ جنرل ساحر شمشاد مرزا نے دفاعی شو میں پاکستانی سٹالز کا دورہ کیا، جنرل ساحر شمشاد مرزا نے شو کے دوران الفتح ٹو میزائل کا بھی افتتاح کیا۔