اسلام آباد:ملک بھر میں سونے کی قیمت میں 6,600 روپے اضافے کے ساتھ فی تولہ سونا 3 لاکھ 56 ہزار 8 سو روپے کا ہوگیا ۔
آل پاکستان جیمز اینڈ جیولرز ایسوسی ایشن کے مطابق منگل کو سونے کی فی تولہ قیمت میں 6,600 روپے اضافے کے بعد فی تولہ سونا 3 لاکھ 56 ہزار 8 سو روپے کا ہوگیا ہے ۔24 قیراط سونے کے 10 گرام کی قیمت بھی 5,658 روپے اضافے کے بعد 300,240 روپے سے بڑھ کر 305,898 روپے ہوگئی جبکہ 10 گرام 22 قیراط سونے کی قیمت 275,230 روپے سے بڑھ کر 280,416 روپے ہوگئی۔
آل سندھ صرافہ جیولرز ایسوسی ایشن نے رپورٹ کیا کہ فی تولہ چاندی کی قیمت 52 روپے اضافے کے بعد 3,834 روپے اور دس گرام چاندی کی قیمت 45 روپے اضافے کے بعد 3,287 روپے ہو گئی۔ ایسوسی ایشن نے رپورٹ کیا کہ بین الاقوامی مارکیٹ میں سونے کی قیمت 3,282 ڈالر سے بڑھ کر 3،348 ڈالر ہو گئی۔
