ملک میں سونے کی قیمتوں میں آج بڑا اضافہ

کراچی :پاکستان بھر کی صرافہ مارکیٹوں میں سونے کی قیمتوں میں آج بڑا اضافہ ہوا ہے۔

آل پاکستان صرافہ جیمز اینڈ جیولرز ایسوس ایشن کے مطابق فی تولہ سونے کی قیمت 6 ہزار 100 روپے بڑھ کر 5 لاکھ 39 ہزار 862 روپے ہو گئی۔

ملک میں 10 گرام سونے کی قیمت 5 ہزار 230 روپے کے اضافے کے بعد 4 لاکھ 62 ہزار 844 روپے ہو گئی۔

دوسری جانب عالمی بازار میں سونے کی قیمت 61 ڈالرز بڑھ کر 5171 ڈالرز فی اونس ہو گئی۔
خیال رہے کہ گزشتہ روز سونے کی قیمت میں 3 ہزار 400 روپے کی کمی ہوئی تھی۔