پاکستانی معروف اداکارہ و ماڈل سدرہ نیازی نے انکشاف کیا ہے کہ انہیں قومی کرکٹ ٹیم کے 11 کھلاڑیوں میں سے ایک بھی پسند نہیں ہے۔
اداکارہ سدرہ نیازی نے حال ہی میں نجی ٹی وی کے پروگرام میں شرکت کی۔اس موقع پر میزبان کی جانب سے پوچھے گئے دلچسپ سوالات کے جواب میں سدرہ نیازی نے کہا کہ قومی کرکٹ ٹیم کے لیے بس یہ کہنا چاہتی ہوں کہ انہوں نے بہت مایوس کیا ہے۔
مزید سوالات پر سدرہ نیاز نے بتایا کہ میری پسندیدہ اداکارہ صبا قمر اور اداکاروں میں فواد خان اور فہد مصطفیٰ ہیں۔
اداکارہ نے شو کے دوران قومی کرکٹ ٹیم کی حالیہ صورتِ حال پر نامور شاعر ناصر کاظمی کا شعر بھی پڑھ کر سنایا۔
اداکارہ نے پسندیدہ کھلاڑی سے متعلق سوال کے جواب میں کہا کہ کوئی کھلاڑی میرا پسندیدہ نہیں ہے، گیارہ کے 11 کھلاڑیوں نے کبھی ایسی پرفارمنس ہی نہیں دی کہ انہیں پسند کیا جائے۔
اداکارہ نے مایوسی کا اظہار کرتے ہوئے کہا ہے کہ کھلاڑیوں کو پسند کرنے کی کوئی نہ کوئی وجہ ہونی چاہیے، بلا وجہ کیسے پسند کیا جا سکتا ہے؟
