لاہور: پاکستانی معروف اداکارہ غنیٰ علی کاکہناہے کہ پروڈکشن والے اداکار کی صلاحیت کو دیکھیں نہ کہ ان کے والدین کی محنت یا ان کے نام کو۔مجھے انڈسٹری میں موجود اقربا پروری سے کوئی مسئلہ نہیں
اداکارہ غنیٰ علی نے ایک نجی چینل کے ایک پروگرام میں شرکت کرتے ہوئے انڈسٹری میں موجود اقرباپروری پر گفتگو کی۔
پاکستانی معروف اداکارہ غنیٰ علی نے شوبز انڈسٹری میں موجود اقربا پروری پربات کرتے ہوئے کہا کہ اپنے بچوں کو سپورٹ کرنا فطری عمل ہے تاہم یہ پروڈکشن والوں کی ذمہ داری ہے کہ کس کردار کے لئے کس کو کاسٹ کیا جائے۔
اداکارہ نے کہا کہ انڈسٹری میں زیادہ تر سینئر فنکاروں کے بچے ہی کام کر رہے ہیں اور مجھے اس سے کوئی مسئلہ بھی نہیں ہے۔ کون سے ماں باپ ہوں گے جو نہیں چاہیں گے کہ وہ اپنے بچوں کو سپورٹ نہ کریں، پروڈکشن والے اداکار کی صلاحیت کو دیکھیں نہ کہ ان کے والدین کی محنت یا ان کے نام کو۔
اداکارہ نے اپنے تجربے کے حوالے سے بتایا کہ چونکہ وہ منفی کردار کرتی ہیں اس لئے ان کے ساتھ کبھی ایسا نہیں ہوا کہ انہیں کسی کردار کی پیشکش کی گئی ہو اور وہ پرچی پر کسی اور کو دے دیا گیا ہو۔
