راولپنڈی :پاک فوج کے سپہ سالار جنرل سید عاصم منیر سے امام کعبہ شیخ صالح بن عبداللہ بن محمد حمید، امام کعبہ نے آج جنرل ہیڈ کوارٹرز میں ملاقات کی جس میں باہمی دلچسپی کے امور پر تبادلہ خیال کیا گیا۔
آ ئی ایس پی آر کے مطابق آرمی چیف نے مہمان کا خیر مقدم کیا۔
آرمی چیف نے کہا کہ امام کعبہ کا پاکستان آنا پاکستانی عوام کے لیے اعزاز کی بات ہے۔دنیا بھر کے مسلمان حرمین شریفین کے لیے بے پناہ عقیدت اور اپنے متولی کا گہرا احترام کرتے ہیں۔
امام کعبہ نے کہا کہ اسلام امن اور بھائی چارے کا مذہب ہے اور اسلام کی غلط تشریحات کی کوئی گنجائش نہیں ہے۔ معززین نے غزہ تنازعہ میں جاری مظالم او مقبوضہ کشمیر میں مسلمانوں پر ظلم و ستم کی مذمت کی۔اور فلسطین اور کشمیر کے عوام کے ساتھ یکجہتی کا اظہار کیا۔
انہوں نے کہا کہ پاکستان اور مملکت سعودی عرب کے درمیان مثالی تاریخی مذہبی اور ثقافتی رشتوں اور پاکستانیوں کے دلوں میں مملکت سعودی عرب کی عقیدت کے علاوہ دونوں برادر ممالک کے درمیان نظریات کے اتحاد پر مبنی مضبوطاسٹریٹجک تعلقات ہیں۔
امام کعبہ نے امت مسلمہ کے امن، استحکام اور اتحاد کے لیے دعا کی۔
