اسلام آباد:دفتر خارجہ کی خاتون ترجمان کا کہنا ہے کہ بھارت کھیلوں کے ساتھ سیاست نہ ملائے، پاکستانیوں کو کرکٹ ورلڈ کپ دیکھنے کیلئے ویزے جاری کیے جائیں۔
ہفتہ وار بریفنگ کے دوران ترجمان دفتر خارجہ نے کہا کہ بطور میزبان بھارت پاکستانی شائقین کے عالمی کپ دیکھنے میں رکاوٹیں نہ ڈالے، کرکٹ ورلڈ کپ میں پاکستانیوں کو ویزوں کے اجرا کیلئے بھارت سے رابطے میں ہیں۔
ترجمان دفتر خارجہ نے پاکستان مخالف بھارتی پروپیگنڈے کی مذمت کرتے ہوئے کہا کہ بھارت، پاکستان میں دہشت گرد سرگرمیوں میں ملوث ہے، میزبان ملک ہماری ٹیم کو ورلڈ کپ میں تحفظ فراہم کرے۔
دفتر خارجہ نے کہا کہ سازگار ماحول پیداکرنا بھارتی حکومت کی ذمہ داری ہے۔
