بھارتی فضائیہ نے رافیل بنانے والی فرانسیسی کمپنی کو بڑا مالی دھچکا دے دیا

بھارتی فضائیہ کی جانب سے حالیہ کشیدگی کے دوران رافیل طیاروں کے استعمال سے اس کی کارکردگی پر اْٹھنے والے سوالات نے فرانسیسی کمپنی ڈاسو ایوی ایشن کو بڑا مالی دھچکا دے دیا ہے۔
ایک ہفتے کے دوران کمپنی کے شیئرز کی قیمت میں 9.5 فیصد کمی واقع ہوئی اور یہ 331 یورو سے کم ہو کر 299 یورو پرآ گئے، سرمایہ کاروں میں شدید بے چینی پائی جا رہی ہے جس کا براہ راست اثر کمپنی کے مالی استحکام پر پڑا ہے۔
ماہرین کے مطابق پاکستان کے ساتھ حالیہ تناوٴ میں رافیل طیاروں کی شمولیت اور بھارتی فضائیہ کی غلط حکمتِ عملی نے ان طیاروں کی افادیت پرسوالیہ نشان لگا دیا ہے۔
رافیل کی کارکردگی پرتنقید نہ صرف بھارت بلکہ دوسرے ممکنہ خریدارممالک میں بھی تشویش کا باعث بن رہی ہے جبکہ چین کی طیارہ ساز کمپنی چینگڈو کے حصص میں ایک ہفتے کے دوران نمایاں اضافہ ہوا ہے۔