انٹراپارٹی انتخابات ، پی ٹی آئی کے چیف الیکشن کمشنر طلب

اسلام آباد: الیکشن کمیشن نے انٹرا پارٹی الیکشن کے حوالے سے تحریک انصاف کے چیف الیکشن کمشنر کو طلب کرلیا اور کہا ہے کہ الیکشن میں پی ٹی آئی نے قانونی تقاضے پورے نہیں کیے۔

الیکشن کمیشن نے تحریک انصاف کے انٹرا پارٹی انتخابات پر سوالات اٹھا دیے اور پی ٹی آئی کے چیف الیکشن کمشنر کو ذاتی حیثیت میں طلب کرلیا۔

الیکشن کمیشن نے نیاز اللہ نیازی کو پی ٹی آئی انٹرا پارٹی انتخابات کیس سے متعلق نوٹس بھی ارسال کردیا ہے جس میں انہیں 18 دسمبر دن 10 بجے الیکشن کمیشن کے سامنے پیش ہونے کی ہدایت کی گئی ہے۔

نوٹس میں کہا گیا ہے کہ تحریک انصاف کے انٹرا پارٹی انتخابات پارٹی آئین رولز 2020ء اور الیکشن ایکٹ 2017ء سے بظاہرمطابقت نہیں رکھتے،الیکشن رولز 2017ء کے تحت انٹرا پارٹی انتخابات کے انعقاد میں تمام قانونی تقاضے پورے ہونے کے بعد ہی کمیشن سرٹیفیکیٹ جاری کرتا ہے۔