کوئٹہ:ایران کی موجودہ صورتحال کے پیش نظر پاکستانیوں کی وطن واپسی کا سلسلہ تفتان بارڈر سے جاری ہے اور گزشتہ شب تک اٹھارہ سو سے زائد پاکستانی جس میں 655 طلبا وطالبات، 566 سیاح ، 428 زائرین، 160 ڈیپورٹیز ، اور 5 غیر ملکی شامل ہے ۔
ڈپٹی کمشنر چاغی عطاء المنعیم کے مطابق حکومت کی خصوصی ہدایت کی روشنی میں ضلعی انتظامیہ کی جانب سے ان کے لیے مکمل انتظامات کا بندوست کیا گیا ہے اور انکے لئے پاکستان ہاؤس تفتان میں ایران سے آنے والے شہریوں کو کھانے، پینے کے صاف پانی، آرام کے لیے بستر اور دیگر بنیادی سہولیات فراہم کی گئی ہیں ۔
ایران ایف آئی اے امیگریشن گیٹ سے پاکستان میں داخل ہوئے تمام افراد کی رجسٹریشن، اسکریننگ مکمل کرنے کے بعد انھیں پاکستان ہاؤس منتقل کیا جاتا ہے۔ اور بعد میں انکو انکے آبائی علاقوں کے لئے روانہ کردیا جاتا ہے ۔
