اسلام آباد: وزیرخزانہ اسحاق ڈار نے سوال کرنے پر صحافی کو تھپڑ دے مارا، اسحاق ڈارجب قومی اسمبلی سے باہر نکل رہے تھے تو ان سے صحافی نے سوال کیا۔
نجی ٹی وی سے وابستہ صحافی نے وزیر خزانہ سے پوچھاآئی ایم سے مزاکرات کب کامیاب ہوں گے؟ صحافی کے سوال پوچھنے پر اسحاق ڈار سیخ پہ ہو گئے۔
وزیرخزانہ سے چلتے ہوئے صحافی نے پوچھا آئی ایم ایف پر کچھ بولیں گے، جواب میں کہا ابھی ایوان میں بہت کچھ بول کر آیا ہوں۔
جواب میں صحافی نے کہا میں تو آئی ایم ایف کے ساتھ معاہدہ کے حوالے سے پوچھ رہا ہوں ،آئی ایم ایف سے مزاکرات کیوں کامیاب نہیں ہو رہے، وزیر خزانہ نے کوئی جواب نہ دیا۔
سوال دہرانے پراسحاق ڈار صحافی کے سوال پر شدید طیش میں آ گئے، تھپڑ مارتے ہوئے سیکورٹی کے عملے کو کہا اسکا موبائل لے کر پھینک دو۔
آئی ایم ایف سے معاہدہ نہ ہونے کے سوال کا وزیرخزانہ نے تھپڑ سے جواب دیا اور دانت پیستے ہوئے سکیورٹی سٹاف کے ہمراہ گاڑی میں بیٹھ کرچلے گئے۔
